Fun
Tualetet “alla-turka” po ‘çmendin’ Gjermaninë
Një qendër kulturore në Këln instalon “tualete që respektojnë kulturat e tjera”. Fjala është për tualetet alla-turka që përdorin kryesisht myslimanët. Reagimet ndaj kësaj ideje janë të forta, edhe nga bota myslimane
Të huajt në Gjermani nuk e kanë aspak lehtë të integrohen. Ata duhet të dinë gjuhën gjermane, të gjejnë punë dhe të mësohen në sistemin gjerman. Por, edhe atmosfera kundrejt refugjatëve ka ndryshuar, raporton ‘DW’.
Aktet terroriste dhe përvoja, se integrimi nuk po ecën si duhet, e kanë zbehur optimizmin e tyre. Në këtë situatë Qendra Kulturore “Alte Feuerwache e.V.” në Këln ndez një debat. Drejtuesit kanë vendosur të ndërtojnë “tualete publikë që respektojnë kulturat e tjera”, sidomos për myslimanët. Bëhet fjalë për tualetet alla-turka pa ulëse, përcjell albinfo.ch.
Ky vendim ndez edhe më shumë debatin për integrimin në Gjermani. Ende nuk kishte raportuar mirë gazeta lokale “Kölner Stadtanzeiger” për banjot, kur filloi në internet një debat i madh. Shumë lexues reaguan me refuzim të hapur ose tallje.
Tualete të tilla evropianët i njohin nga Franca. “Një tualet i tillë i përgjigjet asaj që është tipike në vendet myslimane”, thotë Konrad Müller nga bordi i qendrës kulturore. “Me këtë ne duam t’u japim këtyre njerëzve idenë se këtu janë në shtëpinë e tyre”. Për larje drejtuesit nuk planifikojnë letren higjienike, por një zorrë uji. Nga ana tjetër vrima e tualetit nuk tregon nga jugu. “Të kryesh nevojat e mëdha me drejtim nga Meka kjo nuk shkon”,
Kjo temë u kap menjëherë nga politika. “Kjo më le pa frymë”, thotë Uli Breite nga dega e liberalëve, FDP në Këln. “Ne liberalët mbështesim iluminizmin dhe përparimin. Ky tualet është kthim mbrapa. Integrimi mbështetet tek fakti që njerëzit që vijnë këtu tek ne përshtaten dhe jo e kundërta”.
Drejtuesit e qendrës kulturore e kanë mbrojtur vendimin e marrë. “Nuk ka asgjë të gabuar dhe nuk ka të bëjë aspak me mirësinë e tepruar, sepse organizata jonë ka mision dijen ndërkulturore. Edhe këtu popullsia lokale mund të mësojë diçka nga kultura të tjera”, thuhet nga kjo qendër.
Në botën arabe reagimet janë të ndryshme. “Myslimanët në shtetet e Gjirit Persik” përdorin madje tualete allaturka të lara në flori”, shkruan Bilal Arbouch në faqen e “Facebook”. Me shkelje syri ai shton se edhe për këtë duhet që Gjermania të tregojë kujdes.
Të tjera nga Fun
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Zvicër
-
Rritje 293 për qind e studentëve të huaj në Universitetin e Cyrihut ETH-të në Cyrih dhe Lozanë duhet të kursejnë para. Këshilli Federal vendosi së fundmi uljen e...
-
Nëntë kilometra bllokim trafiku përpara tunelit Gotthard
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve