Gjermania kthen arin në shtëpi

"Bundesbank" thotë se më shumë se gjysma e 3.378 ton ari gjerman të depozituara jashtë shtetit gjatë Luftës së Ftohtë në mënyrë që të mos bien në duart e Bashkimit Sovjetik është kthyer tashmë në vend

Gjermanët përfunduan me tërheqjen e të gjitha rezervave të tyre të arit nga Parisi dhe nga Shtetet e Bashkuara të Amerikës, tha banka qendrore gjermane, “Bundesbank”.

“Bundesbank” ka zhvendosur rezervat e arit në vend jo sepse dyshon besueshmërinë e partnerëve të huaj, por arsyeja për këtë është se mbajtja e arit jashtë vendit është duke e komplikuar procesin e verifikimit të origjinalitetit të saj, përcjell albinfo.ch.

“Bundesbank” thotë se më shumë se gjysma e 3.378 tonë ari gjerman të depozituar jashtë shtetit gjatë Luftës së Ftohtë, në mënyrë që të mos bien në duart e Bashkimit Sovjetik, është kthyer tashmë në vend.

Operacioni, i publikuar në vitin 2013, përfundoi pothuajse tre vjet përpara afatit, që ishte më 2020. Sasia e tërhequr tani ruhet në kasaforta në “Bundesbank” në Frankfurt.

300 tonë janë tërhequr nga rezervat federale amerikane në Nju-Jork.

374 tonë metale të çmuar u tërhoqën nga Banka Qendrore franceze, ose 11% e të gjitha rezervave gjermane.

Transporti, i kryer në kushte rreptësishtë sekrete, i ka kushtuar “Bundesbank” 7,7 milionë euro.

Pas përfundimit të Luftës së Dytë Botërore, Gjermania nuk kishte rezerva të arit, por ato u rivendosën pas vitit 1951 dhe tani kanë një vlerë tregu prej 120 miliardë eurosh.