Apple në garë për blerjen e James Bondit

Apple do të përballet edhe me Amazonin në garën për blerjen e të drejtave të franshizës së famshme

Apple më në fund është duke hyrë në biznesin e filmave.

Pas spekulimeve të shumta, një raportim i ri thekson se kompania është duke luftuar për të blerë të drejtat e franshizës “James Bond”.

Sipas “The Hollywood Reporter”, Apple do të përballet edhe me Amazonin në garën për blerjen e të drejtave të franshizës së famshme.

Pas skadimit të marrëveshjes së James Bondit me Sonyn më 2015, Warner Bros. është kompania lidere e garës për blerjen e të drejtave të filmit të njohur, ndërsa në garë është edhe Universal, Fox dhe Sony.

Franshiza mund të kalojë edhe te brendet teknologjike sidomos për shkak të përmbajtjeve interesante të filmave. Filmi i radhës James Bond pritet të dalë në nëntor të 2019-s, me Daniel Craig në rolin e Agjentit 007.

Vlera e franshizës pritet të jetë mes dy dhe pesë miliardë dollarësh.