Ambasadat e huaja: KQZ të diskualifikojë kandidatët e dënuar më parë

"Hapi i parë në zgjedhjen e zyrtarëve të besueshëm dhe të përgjegjshëm është që të sigurohet se të gjithë kandidatët i plotësojnë kushtet minimale të besimit publik sipas ligjit"

Përfaqësuesit e ambasadave të huaja në Kosovë apo siç njihen ndryshe me emrin e përbashkët “Vendet e Quintit” i kanë bërë thirrje Komisionit të Zgjedhjeve  që të diskualifikojë kandidatët për zgjedhjet komunale, për të cilët gjykatat kanë certifikuar dënimet përfundimtare në tri vitet e kaluara.

“Ne përshëndesim bashkëpunimin dhe bashkërendimin mes KGjK-së dhe udhëheqëses së KQZ-së në certifikimin zyrtar – për herën e parë ndonjëherë – të kandidatëve për zgjedhjet komunale duke përdorur raportet e gjykatave në shkallë vendi. 

Hapi i parë në zgjedhjen e zyrtarëve të besueshëm dhe të përgjegjshëm është që të sigurohet se të gjithë kandidatët i plotësojnë kushtet minimale të besimit publik sipas ligjit”, thuhet në deklaratën e përbashkët.