Ikjet e kosovarëve, arrestohen 4 persona në Stacionin e Autobusëve

Policia e Kosovës ka arrestuar katër persona janë arrestuar në mesin e tyre edhe një serb mbrëmë në Stacionin e Autobusëve në Prishtinë, të dyshuar se po mashtronin kosovarët se mund t’i dërgonin ata drejt vendeve evropiane nëpërmjet Hungarisë.

“Rreth orës 21:00, afër Stacionit të Autobusëve në Prishtinë bazuar në informacione të pranuara dyshohet se një person ka kontaktuar persona të ndryshëm duke iu kërkuar shuma të ndryshme parash për t’i transportuar për në Serbi dhe jashtë Serbisë për në Evropë”, ka thënë zëdhënësi i Policisë, Daut Hoxha.

Ndërsa pas ndalimit të linjës autobusëve Prishtina-Beograd, në Stacionin e Autobusëve në Prishtinë mbrëmë ka pasur shumë pak persona. Disa nga qytetarët kanë thënë se janë të revoltuar në institucionet e Kosovës.