Arrestohen dy persona që mashtronin qytetarët për punësim në Gjermani

Ata ju kanë marrë shuma të konsiderueshme të parave qytetarëve, për rregullimin e dokumentacioneve për punësim në shtetin e Gjermanisë

Foto ilustrim

Policia e Kosovës ka njoftuar se dy persona, meshkuj, janë arrestuar sepse mashtronin qytetarët për dokumente.

Në raportin e policisë thuhej se të dyshuarit në periudha të ndryshme kohore kanë mashtruar disa qytetarë duke ju marrë shuma të konsiderueshme të parave, për rregullimin e dokumentacioneve për punësim në shtetin e Gjermanisë, përcjell albinfo.ch.

Gjithnjë sipas policisë, deri më tani janë identifikuar dhjetë meshkuj si viktima.

“Të dyshuarit janë liruar dhe rasti vazhdon të hetohet në procedurë të rregullt”, thuhet në raport.

Kohët e fundit ka pasur shumë arrestime të tilla, me persona që vazhdojnë të premtojnë viza pune e punësime në Gjermani, duke mashtruar qytetarët, dhe duke u marrë shuma të mëdha parash.