Tentojnë të dërgojnë drogë me autobusin e linjës Gjakovë-Austri

Substanca e dyshuar sipas Policisë, është zbuluar derisa i dyshuari ka tentuar që çantën me substancën e dyshuar ta fus në bagazhin e autobusit pa u identifikuar

Policia e Kosovës nga rajoni i Gjakovës, ka arrestuar dy persona pasi të njëjtit (në bashkëpunim), kishin planifikuar që me autobus të linjës Gjakovë-Linz (Austri) të dërgojnë një sasi të substancës narkotike marihuanë. Substanca e dyshuar sipas Policisë, është zbuluar derisa i dyshuari ka tentuar që çantën me substancën e dyshuar ta fus në bagazhin e autobusit pa u identifikuar.

“Njësitet policore kanë konfiskuar substancën e dyshuar, dhe po ashtu kanë bastisur edhe shtëpitë e të dyshuarve dhe gjatë bastisjes kanë gjetur e konfiskuar: tre telefona, një orë dore-Rolex, dhe para të gatshme 233.50 €”, thuhet në njoftimin e Policisë.

Me vendim të prokurorit, të dyshuarit pas intervistimit janë dërguar në mbajtje, derisa rasti është duke u hetuar.