Italia premton mbështetje për integrimet evropiane

Ministrja e Integrimit Evropian, Dhurata Hoxha, ka marrë mbështetjen e shtetit italian për integrimet evropiane të Kosovës, transmeton albinfo.ch.

Ajo ka pritur në takim ambasadorin e Italisë në Kosovë, Piero Cristoforo Sardi, me të cilin kanë biseduar për agjendën evropiane të Kosovës dhe mundësitë për të shtyrë përpara proceset kyçe.

“Kosova është plotësisht e dedikuar në avancimin me agjendën evropiane dhe këtu ka një konsensus të plotë shoqëror”, ka thënë Hoxha.

E ambasadori Sardi e përgëzoi ministren Hoxha për emërimin në pozitën e re dhe shprehu bindjen e tij për një bashkëpunim të suksesshëm duke konfirmuar gatishmërinë për bashkëpunim të Qeverisë Italiane për Kosovën dhe posaçërisht në procesin e integrimit evropian.