Rinia në Kosovë ka nevojë për arsim kualitativ

Ministri i Arsimit në Kosovë, Shyqiri Bytyqi ka diskutuar me rektorin e Universitetit të Prishtinës “Hasan Prishtina”, Marjan Dema për gjendjen në universitetin më të madh publik në vend, transmeton albinfo.ch.

Ministri Bytyqi citohet të ketë thënë se është i gatshëm për të bashkëpunuar ngushtë me të gjithë, e sidomos me Universitetin “Hasan Prishtina, pasi që ky universitet e bartë barrën kryesore të arsimit të lartë në vend.

“Kjo rini ka nevojë për arsim kualitativ. Ne e kemi obligim që të ofrojmë këtë dhe kush më mirë se Universiteti mund t’i prijë debatit për zhvillimin e arsimit”, theksoi ministri Bytyqi.

Ndërsa rektori Demaj, është shprehur i gatshëm për bashkëpunim, në mënyrë që reformat të ecin përpara.