Çmime ekstravagante për pelegrinazhin drejt Mekës

Muajin e kaluar, albinfo.ch mbuloi udhëtimin e qindra besimtarëve shqiptare që niseshin nga Zvicra për të kryer ritualin e pelegrinazhit drejt Mekës.

Sot, e përditshmja  « Le matin » i  përkushtoi  dy faqe të tëra çështjes së financimit të këtij udhëtimi. Shkrimi paraqet pakënaqësinë e myslimaneve të Zvicrës të cilët  denoncojnë biznesin e zhvilluar rreth pelegrinazhit në Mekë. Flitet për çmime ekstravagante dhe për pazare të frytshme të bëra mbi lëshimin e vizave për Arabin saudite. Dëshmitarët tregojnë për mangësi të agjencive, ato nuk mbajnë premtimet për shërbimet që ofrojnë, si dhe shesin viza me çmime marramendëse.

Sipas gazetarit, agjencitë përfitojnë nga sistemi i kuotave të praktikuar viteve e fundit nga Arabia saudite e cila synon kufizimin dhe rregullimin e fluksit të pelegrinëve në Mekë. Ky kufizim bënë që agjencitë zhvillojnë sisteme të ndryshme për të gjetur viza në shesh që pastaj i shesin me çmime  shumë të larta. Gazetari shkruan së ndodh që negociatat të arrijnë deri CH 2700.-.

Shkrimi vënë në pah një sistem të errët me përfitime të mëdha të mundësuar nga vet fakti se besimtarët janë të detyruar të kalojnë përmes agjencive përkatëse për të fituar vizën në fjalë.

Një vëmendje e veçantë i është kushtuar agjencisë Manasik në Gjenevë, e cila ka lënë me dhjetëra klientë francezë në baltë. Kjo agjenci, thekson gazetari, është e mbytur në ankesa dhe qëndron në listën e zezë të Arabisë saudite.

Atëherë, Renaud Malik, shtron pyetjen mos vallë nuk është koha që autoritet zvicerane të shqyrtojnë këtë për ndërprerjen e këtij biznesi.