Big-Bang-u në miniaturë prezantohet më 2 dhjetor

Drejtori i hulumtimeve të CERN-it Sergio Bertolucci shprehet i entuziazmuar me rezultatet, të cilat prezantohen më 2 dhjetor

Pas më pak se tri javësh eksperimentimi me jonet e rënduara në Large Hadron Collider (LHC), Qendra Evropiane për Hulumtime Bërthamore CERN në Gjenevë, planifikon të bëjë prezantimin e rezultateve.

Më 2 dhjetor do të publikohet rrjedha e eksperimenteve me tre detektorë (Alice, Atlas dhe CMS = Compact Muon Solenoid). Eksperimenti Alice konsiston në prezantimin e gjendjes parake në të cilën është ndodhur materia pak pas shpërthimit të parë (Big-Bang) dhe quhet “Quark-Gluon-Plasma”.

Me detektorin Atlas dëshirohet të sqarohet se si varen nga njëra tjetra masa dhe energjia dhe se si e fitojnë pjesëzat masën e tyre. Detektori CMS duhet t`i përgjigjet veç tjerash pyetjes përse në fillim të universit kishte asimetri në mes të materies dhe antimateries.

Drejtori i hulumtimeve të CERN-it Sergio Bertolucci shprehet i entuziazmuar me rezultatet që kanë sjellë eksperimentet e kryera.