Një shqiptar i gatshëm të luajë për Kataluninë

Për Kataluninë mund të luajë edhe një futbollist shqiptar. Bëhet fjalë për Ivan Balliun. Ai është i lindur në Kataluni, derisa luan për Kombëtaren shqiptare

Katalunia është duke luftuar për Pavarësinë e saj nga Spanja. Nëse fiton Pavarësinë, atëherë Katalunia do të kishte përfaqësuesen e saj, me emra shumë të njohur si Andres Iniesta, Gerard Pique, Sergio Busquets.

Por, për këtë përfaqësuese mund të luajë edhe një futbollist shqiptar. Bëhet fjalë për Ivan Balliun. Ai është i lindur në Kataluni, derisa luan për Kombëtaren shqiptare, përcjell albinfo.ch.

“Momentalisht, ai ka mundësinë që të jetë futbollist i Shqipërisë. Por ndoshta në të ardhmen mund të luajë në arenën ndërkombëtare me formacionin katalanas”, është shprehur babai i futbollistit, Salvador Balliu për mediat spanjolle.

Ivan Balliu ka luajtur edhe në ekipin e Akademisë se Barcelonës edhe pse nuk luajti asnjëherë në ekipin e parë.