Tensione para referendumit, policia konfiskon kutitë e votimit

Shumë votues kanë shprehur dëshirën për të votuar, por kjo është bërë e pamundur

Keystone

Tensione në Barcelonë para se të mbahet referendumi për Pavarësi. Policia xhandarmëria spanjolle nuk po lejojnë mbajtjen e referendumit, duke bërë bastisje në qendrat ku ishin duke u bërë përgatitje për votim, raporton albinfo.ch.

Zyrtarët spanjollë janë shprehur se nuk do të lejojnë që të mbahet ky referendum, sipas tyre, i paligjshëm.

Policia spanjolle ka ndërhyrë në qendrën e votimit ku pritej të votonte lideri i Katalunisë, Carles Puigdemont. Por, ai më pas ka votuar në një qendër tjetër. Shumë votues kanë shprehur dëshirën për të votuar, por kjo është bërë e pamundur.

Ndërkohë, edhe trajneri i Manchester Cityt, katalunasi Pep Guardiola ka thënë se ka votuar me e-mail.