KFOR-i austriak ndihmon në Restelicë

Një njësit me 30 ushtarë austriakë u ka shkuar në mëngjesin e sotëm në ndihmë Forcave të Sigurisë së Kosovës dhe forcave tjera të KFOR-it të cilat po bëjnë përpjekje për të shpëtuar të ngujuarit nga orteku në fshatin Restelicë të Dragashit.

Siç njofton agjencia austriake elajmeve APA, në kuadrin e këtij njësiti bën pjesë edhe një ekip mjekësh dhe një psikolog.

Forcat e KFOR-it dhe të EULEX-it i kanë sjellë shpëtimtarët me helikopterët e tyre në vendin e fatkeqësisë. Po kështu, ato kanë hapur rrugët me makinat e tyre speciale.