Falimenton edhe “Monarch Airlines”

Autoriteti i Aviacionit Civil i Britanisë së Madhe ka njoftuar se kompania ajrore “Monarch Airlines” ka ndërprerë funksionimin, duke lënë 110,000 klientë të bllokuar dhe rreth 300,000 rezervime të ardhshme të anuluara.

Në videot e publikuara në mediat sociale janë parë zyrat e zbrazura, derisa udhëtarët kanë kërkuar ndihmë në aeroportin Gatwick në Londër.

Konkurrenca e ashpër në sektorin e linjave ajrore ka shtuar presionin mbi disa kompani ajrore në Evropë. “Air Berlin” dhe “Alitalia” kanë pasur vështirësi në pagesa këtë vit, me ç’rast kanë kërkuar investitorë të rinj.