Kërkohet zgjidhje për librat e kontestuar në Maqedoni

Këtë e ka konfirmuar drejtori i Byrosë për Zhvillimin e Arsimit në Maqedoni, Rizvan Bela

Grupet e punës tashmë kanë nisur punën në ndryshimin dhe plotësimin e ligjit për arsim fillor dhe atë të mesëm, si dhe në ligjin për tekstet shkollore në Maqedoni.

Këtë e ka konfirmuar drejtori i Byrosë për Zhvillimin e Arsimit në Maqedoni, Rizvan Bela, përcjell albinfo.ch.

Ai tha se gjatë punës së këtij komisioni do të rregullohen gabimet në tekstet shkollore. “Ne do të insistojmë që të mos ndodhin më gjëra të tilla si kanë ndodhur më parë”, ka deklaruar Bela për televizionin “Alsat”.

Ndërsa profesori Avzi Mustafa konsideron se autorët e librave në të cilët janë konstatuar gabime të ndryshme si teknike ashtu dhe përmbajtjesore duhet të mbartin përgjegjësi për lëshimet që kanë bërë.