Zvicër: Bora shkakton kaos në trafik

Në Zvicrën gjermane në mëngjesin e sotëm janë regjistruar një sërë aksidentesh trafiku, si pasojë e borës dhe akullit që ka mbuluar rrugët. Deri më tash nuk ka njoftime për viktima ose të lënduar, njofton televizioni publik i Zvicrës SF1.

Ndërprerje masive të qarkullimit ka pasure në autostradat në regjionin Solothurn-Baselland-Luzern-Aargau-Zürich. Probleme veçanërisht të mëdha ka prej disa orësh në autostradën A1 në mes të Bernës dhe Cyrihut dhe në një pjesë të autostradës A1.

Po kështu shumë autobusë të linjave urbane dhe ndërurbane të Cyrihut kanë rrëshqitur. Ndërsa katër linja kanë ndërprerë në orët e mëngjesit qarkullimin në disa segmente të tyre.

Në Aeroportin e Cyrihut, për shkak të borës janë anuluar 21 fluturime dhe 22 aterrime