Përjashtohen profesorët e Universitetit të Prishtinës

Rektori i Universitetit të Prishtinës “Hasan Prishtina”, Marjan Dema ka marrë vendim për largim të përkohshëm të dy profesorëve Mehmet Behluli dhe Alban Nimani, pas incidentit fizik të ndodhur të enjten.

Dje dy profesorët akuzonin njëri-tjetrin për sulm fizik brenda objektit të Fakultetit të Arteve në UP, ndërsa Nimani kishte ofruar dorëheqjen e parevokueshme, menjëherë pas incidentit, përcjell albinfo.ch.

“Prof. Asoc. Mehmet Behlulit iu shqiptua masa e largim i përkohshëm nga puna deri në marrjen e vendimit përfundimtar nga organi kompetent i punëdhënësit. Ndërkaq, Prof. Asoc. Alban Nimanit, iu shqiptua po ashtu e njëjta masë, por ky i fundit ditën që ndodhi incidenti ka ofruar dorëheqje të parevokueshme nga pozita e tij. Vendimi është marrë duke u bazuar në nenin 28 të Statutit të Universitetit të Prishtinës, nenin 73, paragrafin 1.3, nenin 74 dhe 75 të Ligjit të Punës në fuqi, si dhe për shkak të uljes së prestigjit të Universitetin të Prishtinës ‘Hasan Prishtina’”, thuhet në njoftim.