Për 9 muaj, 11 persona të vdekur në vendin e punës në Kosovë

Pjesa më e madhe kanë ndodhur në ndërtimtari që janë gjithsej 7 raste, ndërsa në tjerë sektorë janë 4

Foto ilustrim

Kryeinspektori i Inspektoratit të Punës, Basri Ibrahimi ka bërë të ditur se në vendet e punës në Kosovë kanë vdekur 11 persona gjatë këtyre nëntë muajve të këtij viti.

“Pjesa më e madhe kanë ndodh në ndërtimtari që janë gjithsej 7 raste, ndërsa në tjerë sektorë janë 4. Ka faktorë të ndryshme të arsyes së këtyre vdekjeve. Janë kushtet, por edhe papërgjegjësitë e punëtorëve”, tha Ibrahimi.

Po ashtu ai është shprehur se punëtorët nuk marrin iniciativën për tu ankuar për të drejtat e tyre në Inspektoratin e Punës.

“U bëj të gjithë punëtorëve apel kur iu shkelen të drejtat jo vetëm kur largohen nga puna sepse ajo është masa e fundit, por edhe kur iu shkelen të drejtat, siç janë pushimet dhe të drejtat e tjera, ata duhet të bëjnë ankesa”, ka thënë Basri Ibrahimi.