Kryetari i ri i Parlamentit Federal, Jean-René Germanier

Germanier është shprehur se synon që t`i afrojë edhe më shumë mes vete regjionet e ndryshme të Zvicrës

Me 163 nga gjithsej 170 votat e vlefshme të deputetëve të Parlamentit Federal, është zgjedhur sot Jean-René Germanier (FDP) kryetar i parlamentit. Ky post, formalisht konsiderohet si posti më i lartë i vendit dhe ai merret, në mënyrë rotative, për çdo vit nga një anëtar tjetër i këtij parlamenti. Kryetare e derisotme ka qenë politikania nga Partioa Socialdemkrate, Pascale Bruderer.

Germanier është 51 vjeç, vjen nga kantoni i Valisit dhe me profesion është vreshtar. Prej shtatë vitesh përfaqëson FDP-në në Parlamentin Federal. Po kështu deputet i Valisit në këtë parlament ka qenë edhe babai i tij.

Nënkryetarë të parlamentit janë zgjedhur Hansjörg Walter nga SVP (Thurgau) dhe Maya Graf nga të Gjelbrit (Baselland).

Me tu zgjedhur kryetar, Germanier është shprehur se synon që me punën e tij t`i afrojë edhe më shumë mes vete regjionet e ndryshme të Zvicrës.