Arrestohen 72 punëtorë në Sllovaki, punonin ilegalisht

Foto ilustrim

Policia e Sllovakisë ka bërë të ditur se ka arrestuar 72 persona, për shkak të marrëveshjeve të rreme për punë, shkruajnë mediat shqiptare të Maqedonisë.

Në mesin e të arrestuarve ishin edhe tetë nga Maqedonia, kurse të arrestuarit tjerë ishin nga Serbia, Bosnja e Hercegovina dhe Ukraina, përcjell albinfo.ch.

Ata janë lëshuar nga paraburgimi me ndalesë për hyrje në Bashkimin Evropian dhe afat prej shtatë ditëve ta braktisin Sllovakinë.

Punëtorët ishin të akomoduar në Qendrën për të huaj në fshatin kufitar Medvedev, në jugperëndim të Sllovakisë, i cili shërben për mbajtje të përkohshme të qytetarëve, të cilët ilegalisht qëndrojnë në vend.

Raportohet se punëtorët kanë punuar ilegalisht për agjencinë “Shin Heung Precision Slovakia”.