Banka Botërore: Maqedonia rritje ekonomike për 1.5 për qind

Projeksioni më i ri i Bankës Botërore për rritjen ekonomike të Maqedonisë për vitin 2017 është 1.5 përqind.

Sipas të dhënave të publikuara në raportin e Bankës Botërore, GDP këtë vit do të ketë rritje prej 1.5 përqind, ndërsa vitin e ardhshëm 3.2 për qind, ndërsa në vitin 2019 do të 3.9 për qind.

Sipas Bankës Botërore ndikim për këtë rritje ekonomike ka pasur jostabiliteti politik në gjysmën e parë të vitit. Shtyllat kryesore të rritjes pritet të jenë konsumi, i nxitur nga rritja e punësimit dhe investimeve, përcjell albinfo.ch.

Po ashtu sipas Bankës Botërore pritet që deficiti buxhetor të jetë 3% nga GDP këtë vit, dhe se ai do të ulet në 2.2% deri në vitin 2019.

Sipas projeksionit të prillit të Bankës Botërore, GDP në Maqedoni duhet të ishte 2.8 për qind.