Zvicra, pas pensionistëve që nuk paguajnë tatim

Kontrolli federal financiar zviceran është i interesuar për pensionistët që jetojnë jashtë vendit me një pension zviceran, që nuk tatohen në vendet pritëse. Për arsye të drejtësisë fiskale, administrata propozon idenë e tatimit të tyre.
Të huajt që shkojnë në Lisbonë për të dalë në pension, atje do të përjashtohen nga taksat për dhjetë vjetët e para të qëndrimit të tyre në Portugali.

Përfituesit e sigurimit të pleqërisë (AHV) duhet ta specifikojnë këtë në Zvicër si të ardhura në kthimin vjetor të tatimit.
Siç shkruan swissinfo, Zvicra nuk mund ta tërheqë këtë taksë jashtë vendit. Megjithatë, pensionistët tatohen në vendin e tyre, nëse ata kanë lidhur marrëveshje tatimore të dyfishtë (DBA) ose një marrëveshje sigurimi shoqëror (SVA). Për shembull, një pension AHV në Itali automatikisht tatohet me 5%.

Por ka edhe përfitues që u ikin tatimeve. Ky është rasti në ato vende që nuk kanë lidhur një marrëveshje me Zvicrën. Në vitin 2014 janë paguar 800,000 pensione jashtë vendit, që korrespondon me rreth një të tretën e të gjitha pensioneve të AHV. Nga ana nominale, pensionistët jashtë vendit kanë marrë 14% të vëllimit të pensioneve, që barazohet me 5.6 miliardë franga në vit. Në një analizë krahasuese të sistemit tatimor, Zyra Federale Zvicerane e Auditimit (SFAO) nuk sheh asnjë problem në atë se “shumica dërrmuese” e tyre paguajnë tatime.

Megjithatë, 7% e pensionistëve jashtë vendit që marrin 9% të pensioneve të tyre jetojnë në vende me të cilat Zvicra nuk ka lidhur një marrëveshje. 480 milionë franga, të cila paguhet për 57 mijë pensionistë, nuk mund të tatohen fare, sipas SFAO. Prandaj, kjo e fundit rekomandon futjen e një burimi tatimor të pensioneve. Kjo do të sillte 25 deri në 30 milionë franga zvicerane në vit më shumë te autoritetet tatimore. Aktualisht kjo është vetëm një ide.