Fuqia e pasaportës zvicerane

Ndërsa me pasaportën zvicerane mund të udhëtosh në shumicën e vendeve të botës, Zvicra lejon vetëm 93 vende të hyjnë pa viza

Foto Ilustrim

Udhëtimi me pasaportën zvicerane është shumë i lehtë, pasi me të mund të hysh në 155 nga 200 shtete, shkruajnë mediat zvicerane.

Kjo është bërë e ditur pas raportit të publikuar nga “Indexi i Pasaportave” të mërkurën. Më lehtë se me pasaportë zvicerane, mund të udhëtosh me atë të Singaporit, pasi me pasaportën e këtij vendi ki qasje në 159 shtete, përcjell albinfo.ch.

Pas Singaporit, renditet Gjermania, që për dallim nga Zvicra ka qasje për hyrje në vendet e Ruandës, Vietnamit dhe Mongolisë.

Pas Singaporit e Gjermanisë, janë Suedia dhe Koreja e Jugut me 157 shtete, pastaj Danimarka, Finlanda, Italia, Franca, Spanja, Norvegjia, Britania e Madhe dhe Japonia (156 secila).

Në fund të listës janë vendet Somalia (34), Siria (29), Pakistani, Iraku (26 secila) dhe Afganistani (22).

Ndërsa me pasaportën zvicerane mund të udhëtosh në shumicën e vendeve të botës, Zvicra lejon vetëm 93 vende të hyjnë pa viza.

Japonia lejon vetëm qytetarët e 66 shteteve hyrjen pa vizë, Kanadaja (51), SHBA (43), Australia (34) dhe Kina (14). Më kufizuese është shteti i largët Himalayan i Butanit, i cili lejon mbajtësit e pasaportave nga Bangladeshi, India dhe Maldivet të hyjnë në vend pa viza.