Kosova
Studentët blejnë temat e diplomës nga 150 deri 250 euro
Studentët e pranojnë këtë fakt, madje një studente e nivelit master në Fakultetin Filologjik të Universitetit të Prishtinës, ka deklaruar se është e përfshirë në këtë proces
Rezultatet e PISA-s që dëshmuan për nivelin e dobët të arsimit në Kosovë nuk janë të rastësishme. Mbi 80 për qind janë në dijeni, ose të përfshirë në procesin e shitblerjeve të temave të diplomave në të gjitha nivelet e studimit.
Ky është një hulumtim që e ka siguruar Radio Kosova, i cili është bërë nga Instituti Edguard. Çmimet e diplomave variojnë nga 150 deri në 250 euro.
Studentët e pranojnë këtë fakt, madje një studente e nivelit master në Fakultetin Filologjik të Universitetit të Prishtinës, ka deklaruar për Radio Kosovën se është e përfshirë në këtë proces, përcjell albinfo.ch.
“Jam në nivelin master në Filologjik. Për arsye që jam në punë, nuk kam pasur kohë të merrem me temë hulumtuese, e kam angazhuar dikë që është i asaj fushe. Diku 300 euro më kushton tema. Ai del e bën temën hulumtuese në terren, unë në fund ia lëshoj një sy dhe e dorëzoj”, ka thënë ajo në kushte anonimiteti.
Ndërkohë, Rinor Qehaja nga Instituti Edguar, i cili është marrë me këtë hulumtim është shprehur se ka rezultuar një prezencë shumë e madhe e kësaj dukurie në mes të studentëve, dhe jo vetëdijesim i mjaftueshëm i tyre për efektin që ka.
“Çmimet variojnë nga 150 deri në 250 euro, varet prej nivelit të studimeve. Dallojnë shumë, për shkak se interesi i blerësit është që të marrë vetëm një diplomë apo është i interesuar që dikush ta punojë në mënyrë më të mirëfilltë atë diplomë”, ka thënë ai.
Prorektori për Kërkime Shkencore në Universitetin e Prishtinës, Faton Berisha, tha se “ndihma jolegjitime” te punimet akademike është një problem ndërkombëtar. Ai tha se rolin vendimtar e kanë mentorët dhe komisionet që duhet t’i kontrollojnë temat.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Çiklizmi në tren: Rezervimi i vendit nuk e zgjidh mungesën e hapësirës Në vitin 2021 CFF i bëri të detyrueshme rezervimet për transportin e biçikletave në trenat Intercity,...
-
Katër të vdekur në Alpet zvicerane gjatë fundjavës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova