AKK-ja nisë hetimet e tenderit për furnizim me tableta “Imatinib”

Autoriteti Kosovar i Konkurrencës njofton se ka nisur hetimet për proceduruar e tenderit për furnizim me tableta “Imatinib”. Kjo agjenci njofton se këtë veprim e ka ndërmarr pas informacioneve nga mediat dhe thirrjen e Ministrit të Shëndetësisë Uran Ismajli, përcjell albinfo.ch.

Këto tableta përdoren për trajtimin e leukemisë, me çmim prej 300% më të shtrenjtë se çmimi me pakicë në tregun farmaceutik.

“Autoriteti Kosovar i Konkurrencës mbetet i përkushtuar t’i parandaloj të gjitha sjelljet anti-konkurruese të ndërmarrjeve që operojnë ne tregun e RKS”, thuhet në njoftim.

E, ministri Ismaili në mbledhjen e qeverisë ka thënë se do të bëjë çmos që çmimet për ilaçet që i blen Ministria e Shëndetësisë të jenë referente me tregun dhe rajonin.