Mosha dhe mbipesha rrisin rrezikun për të rrahura të parregullta të zemrës

Rreziku për të pasur ritëm jo të rregullt të zemrës rritet me moshën dhe kur njerëzit janë mbipeshë, sidomos për burrat më të vjetër se 50 vjeç dhe gratë më të vjetra se 60-vjeçe.

Sipas hulumtuesve, që shikuan të dhënat e 80 mijë njerëzve, mes moshave 24 dhe 94, në katër studime të mëdha evropiane u kuptua se asnjë nga ta nuk vuan nga ky problem.

Pasi ndoqën gjysmën e pjesëmarrësve në studim për së paku 13 vjet – dhe disa për gati 28 vjet – hulumtuesit gjetën se 4.4 për qind e grave dhe 6.4 për qind e burrave nisën të zhvillojnë problemin me të rrahura jo të rregullta të zemrës. Krahasuar me njerëzit që nuk kishin fare këtë problem, rreziku për të vdekur i atyre me të rrahura të parregullta u trefishua gjatë periudhës së studimit, sipas raportit të hulumtuesve në “Circulation”.

Pesha e tepërt rriti më së shumti rrezikun për të rrahura të parregullta të zemrës ka thënë Dr. Christina Magnussen nga Qendra Universitare e Zemrës në Hamburg të Gjermanisë.

“Për çdo pesë kilogramë të shtuar, të rrahurat e pazakonta rriten për 31 për qind te burrat dhe 18 për qind te gratë. Pasi pesha është faktor i madh rreziku, ne këshillojmë që të humbni peshë”, ka thënë ajo, transmeton Albinfo.ch.