Miratohet buxheti i Zvicrës për vitin 2011

Të hyrat në buxhetin e Zvicrës janë 62.4 miliardë franga ndërsa të dalat, 62.9 miliardë franga

Parlamenti Federal (Dhoma nacionale) i Zvicrës ka miratuar buxhetin e ri të Zvicrës për vitin 2011. Ai ka zvogëluar deficitin e paraparë nga Qeveria Federale për 81 milion franga, duke e zbritur atë në 512 milion franga, njofton drs.ch.

Parlamenti ka lejuar 134 milionë franga më pak se sa ishte e planifikuar për fondin e ndihmave për zhvillim jashtë vendit. Në buxhetin e ri janë paraparë 45 milionë franga më tepër për fermerët, prodhues të qumështit.

Sipas konstatimit të Parlamentit, të hyrat në buxhetin e Zvicrës janë 62.4 miliardë franga ndërsa të dalat, 62.9 miliardë franga. Përveç kësaj shume, në të dalat e buxhetit duhet të llogariten edhe subvencionimet e jashtëzakonshme prej afër 2 miliardë frangash për Fondin pensional të Hekurudhave Federale Zvicerane (SBB) dhe për fondet infrastrukturore.