Zvicra mbështet Prokurorinë e Shtetit në Kosovë

Ambasadori helvetik theksoi rëndësinë e misionit  të Prokurorit të Shtetit për të ruajtur dhe zhvilluar  sundimin e ligjit në Kosovë dhe ndarjen e pushteteve

Kryeprokurori i Shtetit,  Aleksander Lumezi  priti në një takim ambasadorin e Zvicrës në Kosovë, Jean – Hubert Lebet, nga i cili mori mbështetje për sundimin e ligjit. Ambasadori helvetik theksoi rëndësinë e misionit  të Prokurorit të Shtetit për të ruajtur dhe zhvilluar  sundimin e ligjit në Kosovë dhe ndarjen e pushteteve.

“Ky mision nënkupton një luftë efikase kundër krimit të organizuar, korrupsionit, terrorizmit dhe veprave tjera penale të cilat duhet të udhëhiqen me forcë dhe vendosmëri”, deklaroi ambasadori zviceran, i cili shprehu përsëri besimin e tij se mbështetja e partnerëve ndërkombëtarë ne veçanti Zvicra do të vazhdojë në këtë drejtim.