Zvicra ndihmon me 2.2 milionë franga Beratin

Qeveria zvicerane ka dhënë një grant prej 2.2 milionë frangash për menaxhimin e mbetjeve të ngurta në qarkun e Beratit.

Ministria e Infrastrukturës dhe Energjisë firmosi marrëveshjen e nënshkruar nga ministri Damian Gjiknuri dhe ambasadori zviceran në Tiranë, Christoph Graf, si dhe katër përfaqësuesve të bashkive të qarkut.

“Shqipëria përballet me një problem të madh kur vjen çështja tek trajtimi i mbetjeve. Dua ta bëj të qartë se ky projekt ndihmon për krijimin e një shembulli konkret se si mund të menaxhohen mbetjet në Shqipëri. Projekti do të ketë një fokus rajonal shumë specifik, por nëse do të kryhet me sukses mund të zbatohet edhe në rajone të tjera”, u shpreh ambasadori Christoph Graf, raporton “TCH”.

“Mendoj është zgjidhja e duhur trajtimi i mbetjeve në nivel qarku sepse nuk mund të ndërtojmë dhe nuk mund të financojnë landfille individuale për bashkim të vogla. Kjo është një qasje e integruar e mbetjeve urbane. Strategjia e qeverisë ka qenë që mbetjet urbane të grumbullohen në vende të caktuara ku do të trajtohen sipas zgjidhjeve përkatëse teknologjike”, u shpreh ministri Gjiknuri.