Kosovë, gjatë javës kthehet moti i ftohtë me reshje shiu

Sipas Institutit Hidrometeorologjik të Kosovës, reshjet parashihen të bien të mërkurën, por që në veriperëndim dhe perëndim të vendit reshje mund të ketë edhe ditëve tjera.

Gjatë pesë ditëve të punës, nga e hëna deri të premten, në Kosovë parashihet të mbajë mot i ndryshueshëm, me vranësira, intervale me diell dhe me reshje lokale të shiut. Sipas Institutit Hidrometeorologjik të Kosovës, reshjet parashihen të bien të mërkurën, por që në veriperëndim dhe perëndim të vendit reshje mund të ketë edhe ditëve tjera.

Temperaturat minimale do të lëvizin ndërmjet 0 deri 4 gradë celsius, ndërsa maksimalet e ditës parashihet të lëvizin ndërmjet 11-14 gradë celsius. Do të fryjë erë kryesisht nga jugperëndimi me shpejtësi deri 7m/s, thuhet në njoftim.

Moti, i ngjashëm pritet të jetë edhe në rajon, përjashtuar vendet mediterane, ku temperaturat do të jenë dukshëm më të larta.