Fillon sezoni i skive në Zvicër

(KEYSTONE/Gian Ehrenzeller)

Për shkak të motit të ftohtë dhe rënies së borës në viset malore, disa vendpushime zvicerane do të hapen, që këtë fundjavë, shkruan “The Local”.

Vendpushimi i Verbier në Valais njoftoi se do të hapë disa pista për herë të parë këtë sezon të premten, më 10 nëntor, përcjell albinfo.ch.

Më shumë se 40 centimetra borë ka rënë në Verbier në ditët e fundit. Përveç kësaj temperaturat e ulëta e mbajnë borën.

Gjithashtu edhe zona Lac de Vaux do të jetë e hapur që nga e premtja me “kushte të shkëlqyera”. Pistat e tjera mund të hapen sapo të bie borë.

Pistat do të jenë të hapura vetëm gjatë fundjavës në muajin nëntor, derisa sezoni turistik dimëror fillon zyrtarisht më 2 dhjetor.

Vendpushimi Graubunden i Laax u hap pjesërisht më 4 nëntor, ndërsa Stand-Trübsee në Engelberg do të hapet nga dita e shtunë.

Crans-Montana do të hapet në fundjavë nga e shtuna e 18 nëntorit, para fillimit të sezonit të duhur më 2 dhjetor.