Vendet më të mira për gratë, Zvicra e treta, Shqipëria e 60-ta

Sipas kësaj renditje ‘shteti ideal’ për të jetuar gratë është Islanda, në vendin e dytë është Norvegjia, kurse Zvicra është në vendin e tretë

Foto ilustrim

Instituti Georgetown për Gratë, Paqen dhe Sigurinë dhe Instituti për Kërkimin e Paqes në Oslo kanë publikuar “Indeksin Global të Grave, Paqes dhe Sigurisë”, i cili vlerëson mirëqenien e grave, duke vlerësuar faktorë si përfshirja, drejtësia dhe siguria në 153 shtete.

Sipas kësaj renditje ‘shteti ideal’ për të jetuar gratë është Islanda, në vendin e dytë është Norvegjia, kurse Zvicra është në vendin e tretë, përcjell albinfo.ch.

Në vendin e katërt është Sllovenia, duke u pasuar nga Spanja, Finlanda, Kanada, Holanda, Suedia e Belgjika.

Ndërkohë, në vendin e 60-të është Shqipëria, kurse Kosova nuk figuron në këtë renditje, shkruan “giwps.georgetown.edu”.

Në vendin e fundit është Siria, duke përmbyllur 153 vendet në këtë renditje.