Fjetja më e gjatë në fundjava, e dëmshme për zemrën

Një studim i ri në të cilin ishin përfshirë më shumë se 21 mijë gra tregon lidhjen e gjumit të rëndë gjatë fundjavave me problemet me zemër

Përdorimi i fundjavave për të “shlyer” borxhin e gjumit mund të jetë i dëmshëm për shëndetin e zemrës.

Një studim i ri i prezantuar në takimin e “Asociacionit të Zemrës” në SHBA, në të cilin ishin përfshirë më shumë se 21 mijë gra tregon lidhjen e gjumit të rëndë gjatë fundjavave me problemet me zemër.

Në studim u kuptua se gratë që gjatë jetës së tyre kanë fjetur dy apo tri orë më shumë gjatë vikendeve për të hequr mallin e gjumit, kishin më shumë rrezik të vuanin nga problemet kardiovaskulare në pleqëri.

Ekspertja e gjumit Marie-Perre St-Onge, nga Universiteti i Columbias në New York ka thënë se këto gjetje nuk dëshmojnë që njerëzit të cilët flenë më shumë në fundjavë largojnë të metat e gjumit të pakët nga ditët tjera të javës, transmeton Albinfo.ch.

Sipas ekspertëve, më së miri është të flini nga shtatë orë çdo natë dhe të bini e të zgjoheni në të njëjtën kohë të ditës.