Ngacmimet seksuale në punë bëjnë që gratë të bien në depresion

Studimi po ashtu gjeti se gratë që ngacmohen seksualisht në punë kanë shanse të kalojnë në pije dhe në drogë

Një studim i fundit ka gjetur se gratë që përjetojnë ngacmime seksuale në punë vuajnë më shumë nga ankthet, depresioni, çrregullimet në të ushqyer dhe problemet me stresi.

Studimi po ashtu gjeti se gratë që ngacmohen seksualisht në punë kanë shanse të kalojnë në pije dhe në drogë.

Autori i studimit, profesori James Campbell Quick nga Universiteti i Teksasit në Austin të SHBA-së, ka thënë se provat vazhdojnë të tregojnë se ngacmimet seksuale ndikojnë keq te femrat sa i përket disponimit, çrregullimeve me ushqim, dhe abuzimit me alkool e drogë, transmeton Albinfo.ch.

Në një hulumtim të fundit të 2000 britanikëve, ekipi hulumtues gjeti se një në pesë gra ka pranuar se ka qenë viktimë e ngacmimeve seksuale në vendin e punës.