Edhe Ulqini festoi kuqezi

Kryetari i kësaj komune, Nazif Cungu, ka njoftuar për një aktivitet që është zhvilluar për nder të Ditës së Flamurit

Sot kanë festuar të gjithë shqiptarët në mbarë trojet shqiptare dhe anekënd botës, dhe festa nuk kishte si të mungonte edhe në Ulqin, shkruan albinfo.ch.

Kryetari i kësaj komune, Nazif Cungu, ka njoftuar për një aktivitet që është zhvilluar për nder të Ditës së Flamurit.

“Ulqini i përfundoi festimet për Ditën e Flamurit, siç i ka hije trevës sonë patriotike, me një program të shkëlqyer artistik të pasur me këngë, valle dhe aktrime. Ky program qendror me pjesë të bukura folklorike është gjithashtu dëshmi i qëndrueshmërisë së popullit tonë për të ruajtur identitetin dhe trashëgiminë kombëtare. Në këtë aktivitet ne përshëndetëm edhe diasporën tonë duke shprehur mirënjohjen për kontributin që ka dhënë dhe duke i bërë thirrje që të kthehet në vendlindje”, ka shkruar Cungu në rrjetet sociale.