Dëbohen edhe 218 shqiptarë

218 shtetas shqiptarë të cilët kishin kërkuar azil në vendet e Bashkimit Evropian janë deportuar në Shqipëri vetëm gjatë ditës së mërkurë, raportojnë mediat shqiptare.

Nga këta, 88 shtetas shqiptarë të dëbuar nga Gjermania me avion të posaçëm, pasi kishin abuzuar me kërkesa për azil, ndërsa nga Franca janë kthyer me vullnetin e tyre, 130 shtetas shqiptarë, përcjell albinfo.ch.

Autoritetet shqiptare përsërisin thirrjen për të gjithë qytetarët që të mos shpërnderojnë kohë dhe para më kot, pasi nuk ka asnjë mundësi për të fituar azil në vendet e Bashkimit Evropian.
Autoritetet kanë theksuar se disa herë se gjasat për azil janë zero dhe nuk duhet të bien pre e mashtrimeve të ndryshme.