Qeveria e Kosovës mbulon shpenzimet për mbrojtjen e të akuzuarve nga Specialja

Qeveria e Kosovës ka vendosur që të mbulojë shpenzimet për mbrojtje juridike dhe financiare të qytetarëve që mund të jenë pjesë e akuzave nga dhomat e specializuara të Gjykatës Speciale.

Propozimi u bë në mbledhjen e qeverisë nga ministri i Drejtësisë, Abelard Tahiri. Ai ka thënë se Qeveria duhet të shprehë gatishmëri për mbrojtjen e qytetarëve të vet që mund të jenë pjesë e akuzave, shkruan RTK.

“Duhet marrë veprime për mbrojtjen e qytetarëve me qëllim që gjykimet të jenë të drejta dhe të paanshme. Mjetet financiare për mbulim të shpenzimeve për mbrojtje juridike dhe financiare. Po propozoj komisionin që do të merret me mbrojtjen e këtyre personave. Konsideroj që Kosova nuk do ta lë në momentin e fundit të marrë veprim. Duhet të jemi te gatshëm tani e tutje”, ka thënë ai.