Shqipëria
Shkolla Shqiptare e Studimeve Politike kremton 10 vjetorin
Shkolla Shqiptare e Studimeve Politike e mbështetur nga Zvicra kremton 10 vjetorin dhe diplomon 24 studentë të cilët i bashkohen 290 të diplomuarve të tjerë gjatë 10 viteve të fundit
Shkolla Shqiptare e Studimeve Politike kremtoi 10 vjetorin e themelimit. Kremtimi shërbeu gjithashtu për të diplomuar 24 studentë të cilët i bashkohen 290 të diplomuarve të tjerë gjatë 10 viteve të fundit, njofton ambasada zvicerane në Tiranë.
“Sot ndërsa merrni diplomat tuaja ju merrni gjithashtu përgjegjësinë për të çuar më tej ndryshimet dhe reformat për të cilat ka nevojë ky vend. Ju jeni pararendësit e vlerave demokratike në Shqipëri”, tha ambasadori zviceran Christoph Graf.
“Bëhuni një model pozitiv të cilët sjellin ndryshimet e duhura. Bëhuni fytyra dhe zëri i një fryme përparimtare dhe demokratike e cila e udhëheq Shqipërinë në një fazë të re të ecurisë së saj”, përfundoi ambasadori Graf, përcjell albinfo.ch.
President i Shqipërisë, Ilir Meta përshëndeti gjithashtu studentët, duke u shprehur i lumtur për mundësitë që po u ofrohen të rinjve shqiptarë.
Meta këshilloi gjithashtu pjesëmarrësit e Shkollës që të jenë sa më të angazhuar.
Programi i Shkollës mbetet unik duke ulur së bashku përfaqësues të forcave të ndryshme politike, por edhe vendimmarrësit kryesorë, të zgjedhurit vendorë dhe aktivistët e shoqërisë civile dhe medias, me qëllim shkëmbimin e eksperiencave, lehtësimin e dialogut dhe gjenerimin e ideve të reja.
Shkolla Shqiptare e Studimeve Politike u ngrit në 2007 nga Këshilli i Evropës si pjesë e një rrjeti në 21 vende të Evropës Lindore dhe Juglindore . Qeveria e Zvicrës mbështet shkollën që nga viti 2010.
Të tjera nga Shqipëria
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Bernë: Parukierja me kombinim të pazakontë – prerje, larje dhe këshilla juridike Parukierja në Bernë, Geraldine Scherler ka “guxuar” me një kombinim të pazakontë. Pse të zgjidhni midis...
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese
-
Incidentet raciste në Zvicër – në rritje, veçanërisht në shkolla