Përfundon ëndrra e Tina Ramës në “The voice of Holland”

"Për fat të keq unë nuk jam më në garë, por unë e kam shijuar atë! Shfaqja mund të ketë mbaruar, por sigurisht unë nuk do të pushoj së kënduari! Faleminderit për mbështetjen!", ka shkruar Tina Rama në rrjetet sociale

Talentja kosovare e muzikës, Tina Rama është eliminuar nga gara e “The voice of Holland”, transmeton albinfo.ch. Ajo ishte shumë pranë që të shkonte në netët live por, nuk arriti ta kalonte fazën e dueleve.

Përkundër kritikave të mira që mori nga juria dhe përkrahjes së publikut, Tina është dashur të pajtohet me fatin. Ajo mbrëmë së bashku me konkurrenten tjetër Tjindjara kanë kënduar këngën e Sia-s “She Wolf”, por në fund trajneri Ali B nuk e zgjodhi kosovaren.

Megjithatë kjo nuk do ta ndajë Tina Ramën nga kënga. “Për fat të keq unë nuk jam më në garë, por unë e kam shijuar atë! Shfaqja mund të ketë mbaruar, por sigurisht unë nuk do të pushoj së kënduari! Faleminderit për mbështetjen!”, ka shkruar Tina Rama në rrjetet sociale.

Për suksesin e vajzë së tyre kanë shkruar edhe prindërit e Tinës të cilët kanë thënë se ajo i ka bërë ata që të ndihen krenarë.

https://www.youtube.com/watch?v=UNYg7NqVx5Y