Arabët kërkojnë njohjen e Palestinës

Pas vendimit të presidentit të SHBA-së, Donald Trump, për ta njohur Jerusalemin si kryeqytet të Izraelit, Liga Arabe ndërmerr kundërgoditje diplomatike. Diskutohen edhe sanksione kundër SHBA-së.

Ministrat e Ligës Arabe në një mbledhje urgjente në Kairo u bënë thirrje SHBA që ta tërheqin vendimin për njohjen e Jerusalemit si kryeqytet të Izraelit.

Veprimi i presidentit Donald Trump është “një shkelje e rrezikshme e së drejtës ndërkombëtare”, thuhet në një deklaratë të ministrave të publikuar të dielën, shkruan “Deutche Welle”.

Me vendimin e tij Trumpi legalizon pushtimin e Jerusalemit Lindor nga Izraeli, kritikoi sekretari i përgjithshëm i Ligës Arabe, Ahmed Abul Gheit, përcjell albinfo.ch.

Me këtë ai iu referua pushtimit dhe aneksimit të mëvonshëm të Izraelit Lindor nga Izraeli në luftën gjashtëditëshe më 1967.

Në Ligën Arabe bëjnë pjesë 21 shtete nga Lindja e Afërt dhe Afrika e Veriut së bashku me rajonet e autonomisë palestineze.

Hamasët radikalë islamikë u bënë thirrje sërish palestinezëve që të hidhen në kryengritje (Intifada) kundër Izraelit, pas vendimit të Trumpit.

Ndërkohë, kryeministri i Izraelit, Benjamin Netanjahu i kritikoi reagimet evropiane për vendimin e Trumpit për zhvendosjen e ambasadës së SHBA në Jerusalem.