Apple lanson kompjuterin më të shtrenjtë

Kompjuteri, që është i dedikuar për përdoruesit kryesisht fotografë apo zhvillues të programeve, nis me çmim prej 4999 dollarëve

iMac Pro, kompjuteri më i fuqishëm dhe më i shtrenjtë i kompanisë Apple, ka dalë në shitje të enjten.

Kompjuteri, që është i dedikuar për përdoruesit kryesisht fotografë apo zhvillues të programeve, nis me çmim prej 4999 dollarëve.

Megjithatë, kompania u lejon përdoruesve të caktojnë vetë disa performanca, ndërsa opsioni më i shtrenjtë ai me 128GB RAM, 4TB SSD dhe grafikën më të mirë do të kushtojë rreth 13 mijë dollarë. Ky version nuk mund të jetë gati para muajit shkurt, transmeton Albinfo.ch.

Modelet me tetë dhe me dhjetë bërthama nisin me çmim prej 4999, respektivisht 5799 dollarë.

Apple thotë se iMac Pro i ri është modeli më i shpejtë dhe më i fuqishëm i krijuar ndonjëherë. Modeli mesatar është versioni me 10 bërthama 3.0GHz Intel Xeon, që është 45 për qind më i shpejtë se modeli më i fortë i versionit 2013.

iMac Pro është në dispozicion për porosi në shumicën e vendeve në Evropë, SHBA, Kanada e Australi.