National Geographic: Shqipëria destinacion kryesor për tu vizituar në 2018

“National Gergraphic” që e rendit Shqipërinë ndër 21 vendet e botës që duhen vizituar në vitin 2018. Ky artikull e ka gëzuar edhe kryeministrin Edi Rama

Mediat ndërkombëtare vazhdojnë ta paraqesin Shqipërinë, si njërin nga vendet më të bukura në botë që duhet patjetër të vizitohet gjatë vitit 2018.  Këtë e konfirmon prestigjiozja “National Gergraphic” që e rendit Shqipërinë ndër 21 vendet e botës që duhen vizituar. Ky qëndrim i NG e ka gëzuar edhe kryeministrin Edi Rama.

“Mirëmëngjesi. Dhe me këtë artikull të National Geographic që e rendit Shqipërinë ndër 21 destinacionet turistike që nuk duhen humbur në 2018-n, ju uroj një të diel të qetë”, shkruan Rama.

“Rrënojat e anijeve të fundosura dhe shpellat e rralla, janë disa nga thesaret relativisht të paprekura që presin zhytësit në Shqipëri. Dekadat e izolimit nën udhëheqjen komunistit Enver Hoxha, ruajnë pa dashje trashëgiminë kulturore nënujore, veçanërisht jashtë bregut jugor të vendit”, shkruan National Geographic në artikullin e saj.