470 mijë veta në Zvicër punojnë për kompani ndërkombëtare

Shumica e filaleve të ndërmarrjeve të huaja janë të stacionuara në regjionin e gjerë të Cyrihut dhe në atë të Gjenevës

©keystone

Në Zvicër në vitin 2015 janë numëruar gjithsej 11524 filiale të kompanive që selitë e tyre i kanë jashtë vendit. Kështu, sipas Zyrës Federale për Statistika, në këto filiale kanë qenë të punësuar plot 470.000 veta që i bie se afërsisht çdo i dhjeti i punësuar i Zvicrës punon për ndonjë kompani ndërkombëtare, shkruan srf.ch.

Shumica e filaleve në fjalë të ndërmarrjeve të huaja janë të stacionuara në regjionin e gjerë të Cyrihut (27%) dhe në atë të Gjenevës (21%). Ato janë më së shpeshti ndërmarrje tregtare dhe financiare.

Ato vijnë nga 100 shtete të ndryshme ndërsa më të pranishmet nga këto ndërmarrje në vitin 2015 kanë qenë ato të Gjermanisë, transmeton albinfo.ch. Afërsisht 25 për qind të të gjitha filialeve të huaja në Zvicër kanë pasur selitë e tyre në Gjermani. Pas tyre vijnë ato nga SHBA (11.8%), Franca 8.1% etj.