Babadimri mes peshqve dhe peshkaqenëve

Një babadimër ka befasuar të gjithë të pranishmit kur vendosi për të notuar me peshkaqenë në Akuariumin e Parisit.

Zhytja me kostumin e veçantë të babadimrit u realizua rreth oqeanit të improvizuar indian, përcjell albinfo.ch.

Shumë peshq dhe një peshkaqen i madh u panë duke lëvizur pranë babadimrit.

E, rreth 50 fëmijë u panë të ngazëllyer me skenën, por prindërit dukeshin paksa të shqetësuar.

Zëdhënësit e Akuariumit të Parisit thanë se zhytja nuk përbënte asnjë rrezik. Ishte hera e gjashtë që akuariumi organizon një shfaqje të tillë, e cila tani konsiderohet traditë e Krishtlindjes.