Haradinaj siguron se nuk do të ketë rritje të çmimit të rrymës

“Nuk do të ketë rritje të çmimit të energjisë elektrike dhe nuk do të ketë mungesë të saj, sidomos në kohën e dimrit”, ka thënë kryeministri Ramush Haradinaj, në vizitën që ka pasur mbrëmë në Korporatën Energjetike të Kosovës.

Pas takimit me udhëheqësit e kësaj korporate, Haradinaj ka siguruar se nuk do të ketë krizë energjetike dhe se nuk do të ketë shtrenjtim gjatë dimrit.

I shoqëruar nga drejtori e KEK-ut, Arben Gjukaj, Haradinaj tha se ua bëri të qartë dhe drejtuesve të KEK-ut se nuk duhet të ketë ndërprerje të energjisë. Ai po ashtu ka thënë se zhvendosja e banorëve të Shipitullës dhe Hades duhet të ndodhë në mënyrë urgjente.