Përgjaken rrugët e Kosovës, pesë të vdekur për dy ditë

Aksidentet me fatalitet po vazhdojnë në Kosovë, derisa Policia e Kosovës bën apel për kujdes.

Për dy ditë kanë ndërruar jetë pesë persona nga aksidentet, derisa disa të tjerë kanë mbetur të lënduar, shkruan albinfo.ch.

Një prej aksidenteve ka ndodhur në Komoran kur vozitësja femër, duke drejtuar veturën Audi A-4 dyshohet se nga pakujdesia ka goditur veturën Mercedes 203. Si pasojë e aksidentit një pasagjere femër ka vdekur, ndërsa dy vozitëset dhe një pasagjere tjetër femra kanë pësuar lëndime  dhe janë dërguar në QKUK për tretman mjekësor.

Aksidenti tjetër ka ndodhur në fshatin Greme të Ferizajt kur vozitësja femër, duke drejtuar veturën e saj nga pakujdesia ka shkaktuar vetë-aksident trafiku, ku si pasojë një pasagjere femër K-Shqiptare ka vdekur, ndërsa vozitësja dhe dy pasagjere tjera femra kanë pësuar lëndime dhe janë dërguar në QKUK për tretman mjekësor. Rreth orës 22:00 edhe viktima e dytë një pasagjere femër K-Shqiptare ka ndërruar jetë në QKUK.

Aksidenti tjetër i rëndë ka ndodhur në fshatin Skivjan të Gjakovës, ku ka ndërruar jetë nëna dhe djali, derisa pasagjerët tjerë kanë pësuar lëndime të rënda.