Mbi 100 mijë persona hynë në Shqipëri për festa

Rreth 110 mijë shqiptarë e të huaj kanë hyrë në Shqipëri, vetëm 48 orët e fundit, në të gjitha pikat e kalimit kufitar, raportojnë mediat shqiptare.

“Në të gjitha pikat e kalimit kufitar, portet dhe në aeroport janë shtuar sportelet në hyrje dhe në dalje, me qëllim, krijimin e lehtësirave ligjore duke eliminuar radhët e gjata, si dhe për t’u ofruar një shërbim cilësor, të kulturuar e në kohë të gjithë shtetasve shqiptarë e të huaj që qarkullojnë nëpërmjet këtyre pikave të kalimit kufitar”, thuhet në raport, përcjell albinfo.ch.

Gjatë 48 orëve të fundit nga të gjitha pikat e kalimit kufitar ka patur fluks në hyrje dhe lëvizje normale në dalje konkretisht: Kanë hyrë 109 598 shtetas shqiptarë dhe të huaj, si dhe 26 892 mjete. Kanë dalë 69 476 shtetas shqiptarë dhe të huaj, si dhe 18 965 mjete.