Niset me aeroplanin e gabuar, kthehen të gjithë prapa

Foto ilustrim

Një aeroplan që po bartte modelen me famë botërore Chrissy Teigen dhe burrin e saj, këngëtarin e njohur John Legen, raportohet se është kthyer prapa pas disa orësh udhëtimi, sepse dikush kishte hipur gabim në të.

Sipas Teigenit, një pasagjer kishte hipur në Los Angeles gabimisht drejt Tokios, megjithatë kjo nuk u konfirmua nga autoritetet.

Aeroplani ishte kthyer pas katër orësh fluturimi, mbi Oqeanin Paqësor dhe modelja reagoi përmes Twitterit duke pushtuar mediat rozë me reagimin e saj, transmeton Albinfo.ch.

“4 orë udhëtim në një rrugë 11 orëshe dhe ne po kthehemi prapa sepse kemi një pasagjer që nuk është dashur të jetë në këtë aeroplan. Pse… pse po kthehemi të gjithë prapa, nuk e di”, ka shkruar ajo.

Kompania “All Nippon Airways” ka thënë vetëm se ka pasur një problem me aranzhimin e një bilete të një klienti.

Gjashtë orë pasi aterroi aeroplani i saj, Teigen njoftoi fansat e saj se ishte nisur me një tjetër aeroplan.