‘Boom’ bebesh në Bernë

Niveli i lindjeve në vitin 2017 ishte më i larti në 40 vjetët e fundit.

Gjithsej 1816 fëmijë kanë lindur këtë vit në klinikën gjinekologjike në Spitalin Insel të Bernës. Gjithashtu 464 kanë lindur në spital Münsingen.

Daniel Surbek, kreu i Departamentit të Obstetrikës dhe Gjinekologjisë, tha: “Numri i të sapolindurve po rritet nga viti në vit që nuk mbahet mend në 40 vjetët e fundit. “Numrat pasqyrojnë zhvillimin e viteve të fundit”, përcjell albinfo.ch.

Në spitalin privat në Bern Salem, i cili i takon grupit Hirslanden, lindën 1138 foshnja. Në klinikat e amësisë Hirslanden, në gjithë Zvicrën kishte 6573 fëmijë, derisa Sofia, Emilia dhe Lena ishin emrat më të njohur të vajzave. Noeu, Louis dhe Liam zënë vendet më të mira në mesin e djemve.